பள்ளிக்கூடம்

அது

இரைச்சல்களின் இசையரங்கு - சிறு

இரவல்களின் இறையரங்கு

குறை சொல்ல நாதியற்ற - பல

காவியத்தின் திரையரங்கு

சிந்தனையின் சிகரம் அது - பல

சிநேகத்தின் சின்னம் அது

முதற் காதல் முழைக்கின்ற - ஓர்

விவசாய பூமி அது

இங்கு

மணியடித்துப் பாடங்கள் முடிக்கப்படும் - சிலநாள்

மழையடித்து மணியின் தொழில் நிகழ்த்தப்படும்

முதற் சவரம் செய்த திரு முகங்கள் - இங்கே

கேலியின் அரியணை அமர்த்தப்படும்

சேட்டைகளின் சேமிப்புப் பெட்டகம் திறந்திருக்கும் - சிலரின்

சேமிப்புக்கள் வட்டி வருவாய் அடைந்திருக்கும்

குறும்புகளின் கணக்குகள் குறிப்பெடுக்கப்பட்டால் - இங்கே

குறைந்தது இலட்சம் நூல் இருக்கும்

பள்ளிக்கூடம்

எதிர்கால வரலாறுகளின் வாசற்படி - பல

எதிர்பாரா நினைவாறுகளைத் தீண்டும் செடி