கருக் க(கொ)லைப்பு

விதையொண்டு முழைச்சதம்மா - அது

விதம் விதமா தழைச்சதம்மா

விந்தொண்டு தந்த சாபம் - என்ன

வீண் கருவா விதச்சதம்மா

கறுப்பான பேழைக்குள்ள - அது

என் உசிர அடைச்சதம்மா

கருவறையாம் அதுவென்று - தொப்புள்

காத்த கொடி சொன்னதம்மா

சிரிப்போடு அவள் இருக்க - அன்று

சிலிர்ப்போடு நான் முழைச்சேன்

சலிப்போடு அவள் இருக்கா - என்ன

அழிப்பேன்ணு சபதம் வைக்கா

இன்பத்தத் தான் எடுத்து - என்ன

ஈனமென ஏன் நினைக்கா

அன்பத்தான் நான் கேக்கன் - ஏந்தான்

ஆத்திரத்தில் அழுது நி(ற்)க்கா

கருவறையில் நான் இருந்து - இப்ப

அழுங்குரலு கேக்கலையோ

அழுங்குரலக் கேட்டிருந்தா - உனக்கு

அழுக நிக்கும் நினைக்கலையோ

கருக்கலைப்பு செய்வேன்ணு - நீ

கலங்காம சொல்லுறியே

உருவொண்டு வரும் முன்னே - என்ன

சொல்லால கொல்லுறியே

தேவையா இந்தக் கருவென்று - அப்போ

உன் தாயும் நெனைச்சிருந்தா

இங்க தேவதையா நீ எங்க - இப்போ

தேவையில்லாம ஏன் நான் ஏங்க

முழுதாகிப் போகும் முன்னே - இப்போ

பழுதாகிப் போகப் போறன்

அழிகியே நான் போயும் - அம்மாவின்

அழுகைய நிறுத்தப் போறன்