அவள்

சிற்பமாய் வந்த தேவதை - அவள்

சிவந்த பாதத் தாரகை

சித்திரம்; சிணுங்கல் அஸ்திரம் - என்னுயிர்

எழுதி வாங்கும் பத்திரம்

தன் மனம் வரமாய்த் தந்தவள் - தன்

தன்மையினால் எனை வென்றவள்

தங்கத்தில் அதன் துங்கத்தில் - அவள்

அங்கத்தின் அழகை நெய்தவள்

கன்னத்தில் விழும் கிண்ணத்தில் - என்

எண்ணத்தின் வண்ணத்தை அள்ளினாள்

அள்ளினாள் வண்ணம் அள்ளினாள் - என்னை

காதலின் காட்டிற்குள் தள்ளினாள்