ஜல்லிக்கட்டு

முட்ட வரும் காளை - நீ

முறுக்கி நில்லு தோளை

முரட்டு வீரத் தமிழா - இது

முட் களை எடுக்கும் வேளை

மார் துளைக்கும் கொம்பு

மறத் தமிழனுக்கது துரும்பு

மஞ்சுவிரட்டும் தமிழா - அதன்பகை

அஞ்சி விரட்டிட எழடா

நீ நெஞ்சு புடைத்து எழடா

தமிழின் தடயம் தறிக்கும்

தமிழ் மரபின் மரபணு பறிக்கும்

தறி கெட்டவர் கனவை முறிக்க

எம் எழுகுரல் எங்கும் தெறிக்கும்

மீண்டும் ஜல்லிக்கட்டுகள் தெறிக்கும்

ஏறு தமிழா ஏறு - நீ

ஏறு தழுவி ஏறு

நூறு தடைகள் வரினும் - அதன் மேல்

எரி தணலாய்த் தூறு